Молитвы великомученику Иоанну Сочавскому


Иоанн-СочавскийТропарь, глас 4
Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.
Кондак, глас 4
Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль, и Тому последовал еси кровию мучения, временными искупив непроходимая, и венец приял еси непобедимый.
Молитва 1-я
Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Ему же подобает всякая слава, честь и держава со Отцем и Святым Духом, ныне и присно и во веки веков. Аминь.
Молитва 2-я
О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Молитва 3-я
Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся; милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим. Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков. Аминь.
Молитва 4-я
Святый и славный великомученик Иоанн, христиан забрало крепкое, купец всеизрядный, скорый помощниче всем к тебе прибегающим. Морскую плавая пучину куплею, от востока добирался к северу, но Господь Бог призвал тебя, яко же Матфей мытницу, торговлю ты оставлял,и Тому последовал ты кровию мучения, временными искупив непроходимая, и венец принял ты непобедимый. Прехвальне Иоанне, тебе ни сверепство мучителя, ни словес ласкания, ни мук прещения, ни горькая биения от Христа отторгша, Его же от младенства возлюбил ты, Ему же и молился даровать душам нашим мир и великую милость. Премудрости рачитель быв, сокровище добродетелей, оттуду же и почерпал ты Божественная разумения. Тем же и времени призвавшу, к подвигом усердно совлекся ты, приемля мучениские раны, плоти содробление и кровей истощание, и ныне живеши в неизреченно свете с мученики. Сего ради вопием тя: моли Христа Бога грехов оставление даровати покланяющимся верою святым мощем твоим. Оружие сокруши нечестивых, воине непобедиме, неправедно движимым на твое достояние, еже себе избрал ты, возлюбив, и отечество наше утверди, да и мытихо и мирно препроводим жительство. Свету невечернему предстоя, блаженне, с мученискими лики, воспевающие тя в памяти твоей, от искушения спасай молитвами твоими. Аминь.
Чтобы защититься от бед  и неприятностей, повесьте в вашем офисе или помещении иконы, выбирая их соответственно вашей деятельности.
– Икона Иоанна Сочавского, чудотворца, помогает в торговле и бизнесе, надо молиться ему ежедневно.
– Икона «Неопалимая Купина» защитит от пожара.
– Икона Иоанна-воина – от воровства.
– Икона Киприана и Иустинии – от злых людей.
– Икона святого Николая Чудотворца поможет туристической фирме, так как Николаю Чудотворцу всегда молились о сохранении жизни в путешествии.
Закажите водосвятный молебен Иоанну Сочавскому, чудотворцу, если сложилась трудная ситуация в бизнесе или торговле. Можно молебен повторять не один раз.
Если вы директор магазина, рынка, базы, склада или продавец, то можете святой водой с этого молебна окропить товар, чтобы он быстро продавался. Но прежде обязательно прочитайте молитву великомученику Иоанну Сочавскому и своими словами добавьте просьбу о помощи в деле.
Никогда не забывайте благодарить Господа, Богородицу и всех святых, даже если дело идет не так хорошо, как хотелось. Если вы благодарны за то, что имеете, вам дастся больше. Если вы плачете, что вам все мало, то у вас заберут все.
Акафист Великомученику Иоанну Новому, Сочавскому

Закажите молебен с акафистом в нашем храме:

ЗАКАЗАТЬ!

Бегающая-строка
М
олитвы

Добавить комментарий