Молитвы святому мученику Виту

Молитва первая
О, святый мучениче Вите! С дванадесяти лет благодатию Святаго Духа свыше просвященный, познал истиннаго Бога и Ему в молитве и подвиге угождал.  И дал тебе Господь дар чудотворения и светлый разум, так что и словом, и делом ты многих ко Христу обратил и на правый путь наставил.  Лютыя за веру Христову муки претерпев, отцем своим уловляем сокровищами многоценными и всеми обольщениями мира сего, ты ничем не соблазнился и от Христа не отрекся.  Перед кончиною своею испросивший у Господа всем почитающим память твою сохранение от всех зол мира сего и успешное шествие в Царство Небесное.
О, святый мучениче Вите, услышь нас, чтущих тебя и прибегающих к тебе, сохрани нас от бед, зол и скорбей, и помози нам сподобиться быть наследниками Царства Божия,  еже по Бозе одно составляет предмет всех желаний во вселенной. И о больных и страждущих на земле предстательствуй, святый Вите, как при земной жизни своей ты целил различные недуги, так и теперь не оставь болящих, а наипаче мучимых черною немочью. Исцели их благосердно, и подай им всецелое врачевание, да не умрут они в беспамятстве, но в здравом теле и ясном уме превозмогут слабости и прославят Бога во веки веков. Аминь.
Молитва вторая
О святый угодниче Божий, мучениче Вите! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемило­стивому Богу принеси, о еже простити нам всякое пре­грешение и помощи нам стати противу кознем диавольским, да избавльшеся от скорбей, болезней, бед и напас­тей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.
Тропарь мученику, глас 4
Мученик Твой, Господи, Вите во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.
Кондак мученику, глас 6
Звезда светлая явился еси непрелестная мирови, Солнца Христа возвещающи зарями твоими, страстотерпче Вите, и прелесть погасил еси всю, нам же подавши свет, молися непрестанно о всех нас.
Величание мученику
Величаем тя, страстотерпче святый Вите, и чтем честная страдания твоя, иже за Христа претерпел еси.

 

Молитвы святому мученику Виту
Бегающая-строка
М
олитвы

Добавить комментарий

Ваш адрес email не будет опубликован.