Молитва перед отправлением в воздушное путешествие

Господи Иисусе Христе, Боже наш, стихиям повелевай и вся горстию содержай, Его же бездны трепещут и Ему же звезды приветствуют. Вся тварь Тебе служит, вся послушают, вся Тебе повинуются. Вся можеши: сего ради вся милуеши, Преблагий Господи. Тако и ныне, убо, Владыко, рабов Твоих сих (имена) моления теплыя приемля, благослови путь их и воздушное шествие, запрещая бурям же и ветрам противным, и лодию воздушную целу и невредиму соблюдая. Спасительное и не бурное по воздуху превождение им даруя и благое намерение совершившим им весело во здравии и в мире возвратитися изволь. Ты бо еси Спас и Избавитель и всех благих небесных и земных Податель и Тебе славу возсылаем со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

h1

Молитвы

Добавить комментарий

Ваш адрес email не будет опубликован.