Память празднуем 7 и 9 августа.
СВЯТАЯ ПРАВОВЕРНАЯ ЦАРИЦА – ИСПОВЕДНИЦА ИРИНА ВИЗАНТИЙСКАЯ
Тропарь гл.4
Умом просвещенным и чистым сердцем/ от образа восходя к первообразу./ Властию тебе Богом данною/
Cедьмый Вселенский Собор составила еси,/ Ирино Венценосная.
Кондак гл.6
Богоименитая Ирино,/ Втораго Рима самодержице,/ ереси сокрушительнице,/ cвятых икон почитательнице,/ изографов покровительнице./ Преподобных Отцев собеседнице,/сирых и убогих попечительнице,/ узы родства ради Христа разсекшая,/ мученически исповедала еси//Торжество Православия.
Величание
Величаем тя,/ исповеднице Христова, правоверная царице Ирино Византийская,/ и чтим святую память Твою,/Ты бо молиши за нас // Христа Бога нашего.
Акафист
Кондак 1
Избранная во царствующих, Византии Божественное процветѐние, лозо от корене благороднейшаго, мира Христова воплощѐние, похвальную песнь приносим ти, паче всяческих Церковь и Отечество возлюбившей, ты же яко имѐяй дерзновѐние ко Господу Сил, ущѐдри ны предстательством твоим, благодарне поющих ти: Радуйся, царице Ирино, славо Церкви, ревнительнице по Бозе и поборнице истины.
Икос 1
Ангелов и в сея твари Содѐтель, посла тя царству Греческому, яко Ангела мирна, благовестити народу Божию, да просветиши владомыя твоя, правовѐрием и благочестием, мы же дивящися о тебе таковому промышлѐнию Вседержителя, согласно возопийм:
Радуйся, дрѐвлей Еллады произрастѐние! Радуйся, Царствующаго града* осияние!
Радуйся, Византии орлице превыспренняя!
Радуйся, престола василевсов* украшение! Радуйся, премудрости Божией обиталище! Радуйся, любочѐстия и веры образе!
Радуйся, царице Ирино, славо Церкви, ревнительнице по Бозе и поборнице истины.
Кондак 2
Видящи Пречистая Богоматерь во удѐле своѐм страну Ромѐйскую* мерзостию ѐреси оскверняемую, избра тя, из сиротства возвысив, от Афин в Константинополь пресели тя и возведе на высоту престола царей, заступницей суди тебѐ быти Церкви Божией и христианом, сего ради поѐм Богу: Аллилуия.
Икос 2
Разум Предвечнаго предуведе тя ко спасению и делом велиим, имя твое с житием сочетавая, мы же грехи и скудость ума нашего присно поминающи, в сокрушении духа, со трѐпетом сердечным глаголем сице:
Радуйся, свещѐ Духом Святым возжѐнная! Радуйся, ароматнице молитвы благоуханная! Радуйся, от младенства Господу посвященная! Радуйся, в сиротстве Божией Материю восприятая! Радуйся, честных икон лобзание сладкое!
Радуйся, упования тихий Ангеле!
Радуйся, царице Ирино, славо Церкви, ревнительнице по Бозе и поборнице истины.
Кондак 3
Сила Вышняго осенй тя, Богоумная, лжемудрствующим и суесловящим соборное противоборство сотворила еси, да не будет расхищаемо ересию стадо Христово, но учением святоотеческим просвещаемо, прилѐжно взывает к Богу: Аллилуия.
Икос 3
Имѐя тщание о вразумлѐнии заблудших, поревновала еси; Всленскаго Собора составлѐнию, святых икон почитанию, мощей угодников Божиих прославлению, обителей иноческих созиданию, просвещения христианскаго насаждению, обидимых от насилия ограждению. Весь мир православный память с похвалами приносит ти:
Радуйся, Новаго Рима* самодѐржице! Радуйся, Горняго Иерусалима насѐльнице! Радуйся, пророчества Платонова*сбытиѐ!
Радуйся, Евфимии Всехвальной пакипрославлѐние! Радуйся, апостолом равночѐстная!
Радуйся, кмученником и исповѐдником сопричтѐнная!
Радуйся, царице Ирино, славо Церкви, ревнительнице по Бозе и поборнице истины.
Кондак 4
Бури мятѐжей и злорѐчия не убоялася есй, егда на враги Церкви возстала есй, неложно о Христе свидѐтельствовавше; низложѐние, изгнание и нуждную смерть претерпела еси, до последняго воздыхания твоего зовущи ко Господу: Аллилуия.
Икос 4
Слышащи и видящи тя людие благочестйвии, душу за ближния своя полагающу, к тебѐ прибегают: милостива буди нам и Владыце Христу предстоя, умоли Тoгo, да отженѐт от ны умпомрачающу тму греховную, ceгo ради молѐбными гимны тя превозносим:
Радуйся, злато, огнем искушений очищѐнное! Радуйся, царскую опалу претерпѐвшая!
Радуйся, львов Копронймовых*неубоявшаяся! Радуйся, без кровѐй мученице!
Радуйся, адаманта крѐпльшая!
Радуйся, соборне вселенную просветившая!
Радуйся, царице Ирино, славо Церкви, ревнительнице по Бозе и поборнице истины.
Кондак 5
Боготѐчная звездо светом Христовым зерцающи, предѐлы вселѐнныя достйже лучѐм свойм, ясне путь ко обновлению мира указуя, да поют Ангели пред Престолом Божиим песнь о грешницех кающихся: Аллилуия.
Икос 5
Видя себѐ с высоты престола царскаго низведѐну, возвѐрзла печаль твою на Господа, о вразѐх молящися крѐпце, предалася еси промыслу Божию, да и безумныя вразумит во ѐже пети:
Радуйся, сильных мира сего укрощение! Радуйся, буих кроткое вразумление!
Радуйся, гордость житейскую осмеявшая!
Радуйся, богатство и славу ни во что же вменившая!
Радуйся, стезѐ ко вратам Едѐмским приводящая!
Радуйся, к нѐмощем нашим степѐни*снизхождения!
Радуйся, царице Ирино, славо Церкви, ревнительнице по Бозе и поборнице истины.
Кондак 6
Проповедуют концы вселѐнныя славу твою, во всю зѐмлю изыде глаголы твоя: Мы тако ратуем за истину, тако ревнуем о благочестии, тако печѐмся о благостоянии Церкви, тако вожделеваем дрѐвляя утвердити каноны и мир даровати народу Божию, сим же пакии многажды подвизаеши ны воспевати Господу: Аллилуия.
Икос 6
Возсиял еси свет твой, от востока изшѐдый, о мире мира моли, да вси ко Христу обратятся, от сѐни смѐртныя тѐмнаго запада, приидут в познание истины, со умилѐнием взывая сице:
Радуйся, яко Серафиме, любовию ко Господу пламенѐющая!
Радуйся, яко Херувиме Божѐственныя мудрости изваяние!
Радуйся, еретйческих новѐлл отсечение!
Радуйся, невѐрных ко Христу обращение!
Радуйся, Свят, Свят, Свят! – гopè возносящая!
Радуйся, святая главо венценосная!
Радуйся, царице Ирино, славо Церкви, ревнительнице по Бозе и поборнице истины.
Кондак 7
Хотящи Церковь Константинопольскую от анафемы свободити, мнози труды и скбрби победно подняла есй, о спасении ближних помышляя, облагодѐтельствовавше подданныя твоя. По исполнении же сих, от земнаго царствия во Царство Небесное возшла есй, со Ангелы исвятыми угодники Божии воспевая: Аллилуия!
Икос 7
Новое знамение благоволѐния Своего яви на тебѐ Господь, яко чудо неожидаемое, упование верных, с ними же и мы ради подвигов твоих и благочестия, ублажаем тя, глагблюще сицевая:
Радуйся, на земли Небесных явлѐние!
Радуйся, гнезда Дионисиева* ластовица радованная!
Радуйся, блажѐннейшаго Тарасия* возвышѐние!
Радуйся, праведнаго Филарета* сподвижнице!
Радуйся, преподобных Платона и Феодора* нравоприѐмнице! Радуйся, благоверных Константина и Елены*сопрестольнице!
Радуйся, царице Ирино, славо Церкви, ревнительнице по Бозе и Поборнице истины.
Кондак 8
Странно есть людием христолюбивым видети, яко многажды от бед спасаема, дщѐре Церкви и матерь народа своего, святой царице Пульхерии единонравная, веры и правды ради на страдания себе’ вдадѐ за прегрешѐния ближних своих, от Христа нетлѐния венцѐм венчаема, воспела Богови: Аллилуия!
————————————————————————–
*Гнездо Дионисиево-Афины, родина Святителя Дионисия Ареопагита.
*Тарасий патриарх Константинопольский.
*Святой праведный Филарет Милостивый.
*Преподобные Платон Саккудийскийи Феодор Студит.
*Равноапостольные цари Константин и Елена.
Икос 8
Вси Ангельстии чйны и святых собори, со радостьми приѐмлют тя, лобзание воздающи и восклицающи: О, исповеднице царственная! Путие земнаго жития совершивше добльственне, прията ныне в рай на вѐчныя покои и ликование! Мы же купно с ними память твою празднующи, пение похвальное приносим ти:
Радуйся, земли кротких наследнице!
Радуйся, вѐтве райская присноцветущая!
Радуйся, в Вышних Ангелом сликовствуеши!
Радуйся, в дольних от человек хвалу приѐмлеши!
Радуйся, Царя царствующих служительнице верная!
Радуйся, Господа госпбдствующих любймице нарочйтая!
Радуйся, царице Ирино, славо Церкви, ревнительнице по Бозе и поборнице истины.
Кондак 9
Все скбрбие бысть и слез потоцы, егда донѐсшеся до Новаго Рима весть о успѐнии твоем, понѐже разумѐхом,чесо убо утратиша по грехом своим, стеная и сѐтуя купно вси возгласиша к Богу: Аллилуия.
Икос 9
Ветии сладковещанныя не возмогут изрещи по достоянию, яко Господь, печаль на радость преложи, егда честныя и чудотворныя твоя мощи со славою шѐствовавше в Царьград и под своды Великия церкви* водворилися еси, послѐди же Ангелы со человѐки торжествуя, составивши хор,воспѐли ти таковая:
Радуйся, в житии твоѐм миротворице!
Радуйся, Небесных благ провозвѐстнице!
Радуйся, оправданий Господних плоды принесшая!
Радуйся, счастием во веки веков просиявшая!
Радуйся, земнородных и Небѐсных похвалами воспѐтая! Радуйся, премудрых жен красото и славо!
Радуйся, царице Ирино, славо Церкви, ревнительнице по Бозе и поборнице истины.
————————————————————————
”Великая церковь-храм святых Апостолов в Константинополе.
Кондак 10
Спастися хотяй всем человеком, bже на крови мученик Церковь Свою основавый Сердцеведец Христос, Истинный Бог наш, положи исповедание твоѐ, яко камень драгий во основание храмины Церкви войнствующей, да всяк в ней обретающийся, победно поет Ему: Аллилуия.
Икос 10
Град и убежище еси всем с верою ктебѐ притекающим; надѐждо, помоще и утверждѐние любящим тя, занѐ Божественным рачѐнием исполнися дух твой, от избытка сего, да излиѐши на ны милость твою, тем же множицею тебе глаголем:
Радуйся, молитв ко Господу фимиамный облаче!
Радуйся, благости Пренебесныя росо мироуханная!
Радуйся, печалей Надмийрное утолѐние!
Радуйся, тобою милостивное щедрот подаяние!
Радуйся, мира Божия оружие миротворящее!
Радуйся, пресладкое любве Христовы уловлѐние!
Радуйся, царице Ирино, славо Церкви, ревнительнице по Бозе и поборнице истины.
Кондак 11
Пению молебному прилежаще усердно, утеши тя Пресвятая Богородице явлением Своим, и призва иноческую обитель устроити на Карийском холме в честь Рождества Своего, ты же присно послушлива бысть с любовию возопила к Рождшемуся от Нея: Аллилуия.
Икос 11
Светом Божественнаго явления осиянная, о последнем убо дни и часѐ блаженнаго исхода твоего произвещѐнна бысть от Господа, и тако с миром предала душу твою в руце Христа, от младенства Егоже любя, и за Имя Его Святое толико нужд претерпела еси, ceгo ради поем ти:
Радуйся, путѐм тесным ко Христу востѐкшая!
Радуйся, кротце Богу в жертву себе принѐсшая!
Радуйся, память твою чтити возблаговолившая!
Радуйся, поющим тя незримо предстоящая!
Радуйся, скйпетре царства верных!
Радуйся, Седьмаго Вселенскаго Собора вѐнче!
Радуйся, царице Ирино, славо Церкви, ревнительнице по Бозе и поборнице истины.
Кондак 12
Божественная благодать, немощная врачующая, нѐкогда исцели тя водами храма Живоноснаго Источника Пресвятыя Богородицы и укрепи на последняя подвизи твоя, умертвити помыслы безмолвием, да умне в сердце возглаголеши: Аллилуия.
Икос 12
Поюще чудесы твоя источницы вод, егда изведе я Господь из-под корене древа, егоже ты насади и слезами твоими ороси е, исцеления даруеши причащающимся от воды тoя, паче же напояеши во знои века сего, поющих прилѐжно:
Радуйся, терпѐния действо совершѐнное!
Радуйся, немощей скорое прогнание!
Радуйся, печальных радосте пробуждения!
Радуйся, ко Господу бодренное воззвание!
Радуйся, прохладо в сѐни молитв твоих!
Радуйся, милосѐрдия и чудес источниче!
Радуйся, царице Ирино, славо Церкви, ревнительнице по Бозе и поборнице истины.
Кондак 13
О, Святая царице Ирино! Словес сих толь малое приношение наше, от любве к тебе творимое, умильно просим, приими и призри на ны смиренныя, страстьми и грехми многими обдержимыя, о спасении своем недоумѐвающия, умоли Вседержителя да не внидет в суд с нами, научи ны оправданием Его, во дни и в нощи взывающих: Аллилуия,Аллилуия,Аллилуия!
(Сей кондак глаголем трижды, затем икос 1 и кондак 1 ).
МОЛИТВА
Измлада сиротство извѐдавшая, царице Ирино, буди нам духовная мати от водительства и окормлѐния духовнаго осиротевшим. По промыслу Божию на царство Греческое вѐнчанная, в правде Господней народом своим правившая, и нас упаси в вере и истине.
Богу тебе соцарствующу, советники и наставники имела святых отец, моли, да и мы от них вразумляемся. Богомудрая царице, ересь сокрушившая, соборному разсуждению нас научаяй. Природу естества победйвшая, родства законы, яко жертву Авраамлю угодную ко Престолу Всевышняго принесла еси: да прославится Бог! Со благоговением взираем на подвизи твоя из последняго нашего времени. Да не связани будем никоим пристрастием, никоею заботою житейскою, ни боязливостию, ни бесовским мечтанием.
Радостию сияющая монархиня добрая, научи нас, Единаго Христа Сына Божия знати, Егоже Единаго любити, Егоже в вереи истине исповѐдати, яко ты исповедала в тесноте и изгнании, даже до смерти. Укрепи и не остави нас среди міра ceгo, во зле лежащаго, изгибнути, миру Божественному тезоименитая, и в мир Христов вечный введи нас, молитвенно тя почитающих. Аминь.
Канон Скачать
